Бош вазир ўринбосари Шуҳрат Ғаниев иштирокида семинар ўтказилди
Қамаши тумани ҳокимлиги мажлислар залида қишлоқ хўжалиги соҳасида тадбиркорликни ривожлантириш бўйича семинар ташкил қилинди. Унда боғдорчилик, узумчилик, балиқчилик, чорвачилик каби йўналишларда фаолият олиб бораётган фермер хўжалиги раҳбарлари ҳамда тадбиркорлар иштирок этди.
Соҳа мутахассислари, банк раҳбарлари иштирокида қишлоқ хўжалигида даромад олиш борасида тумандаги Ғаллакор ҳудудида боғдорчилик йўналишида фаолиятини бошлаш ниятида бўлган тадбиркорлар мисолида семинар қатнашчиларига тушунтириш берилди. Томчилатиб суғориш технологияси жорий қилган тадбиркорлар учун субсидиялар берилиши таъкидланди.
Бу каби семинарларнинг ҳафта давомида яна ўтказилиши белгиланди.
