Вилоят банк раҳбарлари Қамашида йиғилиш ўтказди
Ўзбекистон Республикаси Президенти Шавкат Мирзиёевнинг Қашқадарё вилоятига 2020 йил 12-13 ноябрь кунлари ташрифи вақтида банклар фаолияти билан боғлиқ вазифалар юзасидан берилган топшириқларнинг Қамаши туманидаги ижроси юзасидан вилоят Марказий банки раҳбари Файзулла Раджабов, туман ҳокимининг биринчи ўринбосари Рустам Ғофуров ҳамда вилоят ва туман банк раҳбаралари иштирокида йиғилиш ўтказилди.
Унда боғ ва токзорлар, йўл атрофида хизмат кўрсатиш объектларини ташкил қилиш масаласи юзасидан муҳокама бўлиб ўтди. Йиғилишда ҳар бир банкда тадбиркорлар хонасини йўлга қўйиш юзасидан топшириқ берилди.
Маълумот ўрнида, Қамаши туманида 2021 йилда 2000 гектар майдонда боғ ва токзор ташкил қилиниши режалаштирилган.
