Иккинчи Жаҳон уруши қатнашчилари байрам билан қутланди
Қамаши туманида бугунги кунда 4 нафар Иккинчи Жаҳон уруши қатнашчилари умргузаронлик қилишмоқда.
Янги йил байрами арафасида Республика “Нуроний” жамғармаси томонидан Маман Ҳайдаров, Абдисалим Ғаффоров, Рўзибой Сатторов ва Холмўмин Эргашевга қишки ва баҳорги кийим ва пойабзаллар совға сифатида берилди.
Байрам билан қутлаш ва совғаларни топшириш учун туман ҳокими Ботир Тоғаев, туман ҳокими ўринбосари Шавкат Бекмурзаев, “Нуроний” жамғармаси туман бўлими раиси Нормўмин Имомов нуроний отахонлар хонадонида бўлишди. Яқинлашиб келаётган йилнинг барокатли бўлиши мақсадида мўътабар отахонларимизнинг дуолари олинди.
