“Мурувват куни” хайрия тадбирлари ташкил этилмоқда.
Халқаро ногиронлар куни муносабати билан Қамашида “Мурувват куни” хайрия тадбирлари ташкил этилмоқда.
Бугунги байрам муносабати билан Қамаши туманида истиқомат қилувчи ногиронлиги бор фуқаролар холидан хабар олинмоқда.
Туман ҳокими, мутасадди ташкилот раҳбарлари жисмоний имконияти чекланган фуқароларнинг хонадонларида бўлиб, улар билан суҳбатлашмоқда. Ногиронлиги бор фуқароларга “Маҳалла” хайрия жамоат фонди ва ҳомийлик ҳисобидан ногиронлик аравачалари, эшитиш мосламаси ва озиқ-овқат маҳсулотлари етказиб берилмоқда.
– “3 декабрь – Халқаро ногиронлар куни” нишонланаётгани муносабати билан ижтимоий ҳимояга муҳтож, ногиронлиги бор тумандошларимиз холидан хабар олиб, меҳр-саховат кўрсатаётган ташкилот, корхона раҳбарлари ва ходимларига раҳмат айтмоқчиман, – деди туман ҳокими Ботир Тоғаев. – Бугунги савобли тадбирга ўз хиссасини қўшган ҳар бир инсоннинг эртанги ишида албатта, файзу-барака бўлади.
