Наврўз. Қамашида баҳор байрами нишонланди
Туманимизда Наврўз умумхалқ сайли шаклида кенг нишонланди. Манғит маҳалласи кенгликларида ташкил қилинган сайлда миллий қадриятларимиз нафаси уфуриб турди. Сумалак, миллий қўшиқларимиз, кураш ва урф-одатларимиз қатнашчиларга кўтаринки кайфият бағишлади. Тадбирда иштирок этган туман ҳокими барча тумандошларимизни байрам билан қутлади.