Янги ғоялар, ташаббуслар қўллаб-қувватланади
Бугун “Пахтаобод” маҳалла фуқаролар йиғинида туман ҳокими Ботир Тоғаев, Давлат хавфсизлик хизмати ходими Рустам Сапарбаев, тегишли ташкилот раҳбарлари иштирокида ёшлар билан учрашув бўлиб ўтди.
Учрашувда ҳудудда янги иш ўринлари яратиш, спорт тўгараклари ташкил қилиш бўйича таклифлар ҳамда ёш тадбиркорларнинг мурожаатлари тингланди.
Хусусан, 11 синф ўқувчиси Мадина Муҳаммадиева ахборот технологиялари бўйича малакали ўқитувчиларни кўпайтириш борасида таклиф билдирди.
Туман ҳокими ушбу таклиф кўплаб ёшлар томонидан билдирилаётганлигини инобатга олган ҳолда, 7 умумий ўрта таълим мактабида ихтисослаштирилган ИТ парк ташкил қилинаётганлиги ва ушбу соҳага қизиқувчи ёшлар учун хизмат қилишини билдирди.
