Қамаши тумани бош юристконсульти нафақага кузатилди
Туман ҳокимлиги мажлислар залида йиллар давомида туман ҳокимлиги юристи вазифасида самарали меҳнат қилган Бўри Мўминов тантанали равишда нафақага кузатилди.
Бўри Мўминов 2011-2016 йилларда туман ҳокимлиги юристи ва 2016 йилдан ҳозирги вақтга қадар туман ҳокимлиги бош юристконсульти, 2-даражали юрист вазифасида фаолият юритди.
Туман ҳокими Ботир Тоғаев Бўри Мўминовнинг фидойи меҳнатларини эътироф этиб, миннатдорчилик билдирди.
Бўри Мўминов меҳнат фаолияти давомида хўжалик ишчиси, Қамаши туман прокуратураси терговчиси, Деҳқонобод, Яккабоғ ва Шаҳрисабз тумани прокурори, Қашқадарё вилоят прокуратураси катта терговчиси ва ҳуқуқ-тартибот соҳасида масъул лавозимларда ишлаган.
