Қонунчилик палатаси Спикерининг ўринбосари Қамаши туманида бўлди

Ўзбекистон Республикаси Олий Мажлиси Қонунчилик палатаси Спикерининг ўринбосари Алишер Қодиров раҳбарлигидаги ишчи гуруҳ Қамаши туманида бўлиб, ижтимоий – иқтисодий ривожланишнинг устувор йўналишлари бўйича белгиланган вазифаларнинг ижро этилиш ҳолати, тадбиркорлар таклиф ва муаммоларини ўрганди.

Хусусан, “Comfortable Business Service” масъулияти чекланган жамияти томонидан гидропоника усулида ташкил қилинган иссиқхона ва «Qamashi Oltin don» ун ишлаб чиқариш корхонаси фаолияти билан танишди. Тадбиркорлар билан мулоқот давомида фаолиятини янада ривожлантириш борасидаги таклифларини ўрганди.

Шундан сўнг, туман ҳокимлиги мажлислар залида 2024 йилда ижтимоий-иқтисодий ривожлантиришнинг устувор йўналишлари бўйича белгилаб берилган ҳар бир вазифанинг мазмун-моҳиятини тушунтириш юзасидан туман фаоллари билан мулоқот қилинди.

Ўрганишлар якунлари туман Кенгаши сессиясида муҳокама этилади.